Category: news

ធនាគារ ប្រេដ បានចុះហត្ថលេខាអនុស្សរណៈនៃការយោគយល់គ្នាជាមួយអ្នកចែកចាយផ្តាច់មុខរបស់ព្រះរាជាណាចក្រកម្ពុជានៃរថយន្ត Hyundai ដ៏ល្បីល្បាញ។ កិច្ចព្រមព្រៀងនេះ បានធ្វើឡើងជាមួយក្រុមហ៊ុន Hyundai Camko Motor ដែលជាក្រុមហ៊ុនផលិតរថយន្តម៉ាកកូរ៉េខាងត្បូងនៅប្រទេសកម្ពុជាផងដែរនោះនឹងផ្តល់ប្រាក់កម្ចីរថយន្តដល់អតិថិជន Camko ក្នុងអត្រាការប្រាក់ចាប់ពី 8.25% ជាមួយរយៈពេលបង់រំលោះរហូតដល់ 7 ឆ្នាំ ជាមួយការកក់ប្រាក់ទុកជាមុនត្រឹមតែ 10% តែប៉ុណ្ណោះ ។  នាយកប្រតិបត្តិធនាគារ ប្រេដ លោក Nicolas Hollanders មានប្រសាសន៍ថា “យើងខ្ញុំរីករាយក្នុងការឈានដល់ការចុះកិច្ចព្រមព្រៀងជាមួយមិត្តរបស់យើងនៅក្រុមហ៊ុន Camko Motor” ។ “ពួកគេមានប្រវត្តិដ៏អស្ចារ្យជាយូរមកហើយនៅក្នុងព្រះរាជាណាចក្រ ហើយ ក្រុមហ៊ុន Hyundai មានយានយន្តដ៏ល្អឥតខ្ចោះដែលមានគុណភាពខ្ពស់” ។  “យើងទន្ទឹងរង់ចាំភាពបន្តជាដៃគូដ៏យូរអង្វែង និងប្រកបដោយផ្លែផ្កាជាមួយក្រុមហ៊ុន Hyundai Camko Motor ព្រមទាំងស្វាគមន៍អតិថិជនរបស់ពួកគេមកកាន់ធនាគារ ប្រេដ​!”  សម្រាប់ព័ត៌មានបន្ថែម និងការណាត់ជួបសម្រាប់ការបើកបរសាកល្បង សូមចូលទៅកាន់ camko-motor.com ឬលោកអ្នកអាចពិភាក្សាជាមួយប្រធានផ្នែកទំនាក់ទំនងរបស់ធនាគារ ប្រេដ ខេមបូឌា របស់លោកអ្នកសម្រាប់ព័ត៌មានលម្អិតអំពីឥណទានរថយន្តដ៏អស្ចារ្យរបស់យើងខ្ញុំ។ 

ធនាគារ ប្រេដ ប៊ែង ខេមបូឌា សូមចេញសេចក្តីប្រកាសអំពីការក្លែងបន្លំជាបន្ទាន់  ធនាគារ ប្រេដ ប៊ែង ខេមបូឌា នាពេលថ្មីៗនេះបានទទួលដំណឹងអំពីករណីដែលមានជនបោកប្រាស់បានធ្វើការប្រើប្រាស់រូបភាពសាខាបាត់ដំបងរបស់ធនាគារយើងខ្ញុំជាមួយនឹងការកែប្រែស្លាកយីហោ និងឈ្មោះរបស់ធនាគារយើងខ្ញុំ ដើម្បីប៉ុនប៉ងបោកប្រាស់អតិថិជនដែលមិនបានដឹងព័ត៌មាន។  សូមបញ្ជាក់ថាធនាគារ ប្រេដ ប៊ែង ខេមបូឌា មិនមានការពាក់ព័ន្ធជាមួយស្ថាប័នដែលហៅខ្លួនឯងថា ‘ធនាគារ BAB’ ឬ ‘BAB Loan’ ហើយ ‘ធនាគារ BAB’ ឬ ‘BAB Loan’ មិនមែនជាធនាគារដែលមានអាជ្ញាប័ណ្ណនោះទេ។  ធនាគារ ប្រេដ ប៊ែង ខេមបូឌា មានសាខាតែមួយគត់ក្នុងខេត្តបាត់ដំបង ដែលមានទីតាំងនៅផ្ទះលេខ 36 & 37 ផ្លូវលេខ 1 ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។ ប្រសិនបើអតិថិជនណាមួយបានឃើញភស្តុតាងនៃជនក្លែងបន្លំដែលប៉ុនប៉ងប្រើប្រាស់រូបថត ឬស្លាកយីហោរបស់ ធនាគារ ប្រេដ ប៊ែង ខេមបូឌា សូមលោកអ្នករាយការណ៍ជាបន្ទាន់ទៅកាន់ធនាគារ និងអាជ្ញាធរមានសមត្ថកិច្ច។ ធនាគារ ប្រេដ ប៊ែង … Continued

ការបន្ថែមដើមទុនធនាគារចំនួន 35 លានដុល្លារ   ក្រុមហ៊ុន BRED Group ដែលជាក្រុមហ៊ុនមេពីប្រទេសបារាំងរបស់ធនាគារ ប្រេដ ខេមបូឌា  បានបន្ថែមដើមទុនបម្រុងរបស់ធនាគារចំនួន 35 លានដុល្លារបន្ថែមទៀត។ ការបន្ថែមដើមទុននេះបង្ហាញពីការប្តេជ្ញាចិត្តកាន់តែខ្លាំងរបស់ក្រុមហ៊ុនចំពោះប្រទេសកម្ពុជា និងឆ្លុះបញ្ចាំងពីជំនឿយ៉ាងមុតមាំលើសក្តានុពលនៃកំណើនសេដ្ឋកិច្ចរបស់ប្រទេសកម្ពុជា។  ការបន្ថែមដើមទុននឹងជួយដល់ផែនការពង្រីករបស់ធនាគារ ដែលអនុញ្ញាតឲ្យភាគហ៊ុន ទីផ្សាររបស់ខ្លួនកើនឡើងយ៉ាងខ្លាំងក្នុងរយៈពេលប៉ុន្មានឆ្នាំខាងមុខនេះ ដូចបានរៀបរាប់នៅទីនេះក្នុងគេហទំព័រ Khmer Times។