នៅថ្ងៃទី 20 ខែមីនា ឆ្នាំ 2023 ធនាគារ ប្រេដ ខេមបូឌា បានបើកសម្ពោធសាខាទី 15 របស់ខ្លួននៅលើ មហាវិថីកម្ពុជាក្រោម ក្នុងខណ្ឌទួលគោកដែលជាតំបន់មួយក្នុងចំណោមតំបន់ដែលមមាញឹកបំផុតក្នុងរាជធានីភ្នំពេញ។
សាខាថ្មីនេះស្ថិតនៅតំបន់សម្បូរដោយអាជីវកម្មដ៏រីកចម្រើន ដែលជាបណ្ដុំនៃភោជនីយដ្ឋាន សណ្ឋាគារ សាលារៀនអន្តរជាតិ និងអគារពាណិជ្ជកម្មចម្រុះជាច្រើនផងដែរ។ សាខាកម្ពុជាក្រោមមានចំណតរថយន្តងាយស្រួលក្នុងការចត ដែលមានទីតាំងស្ថិតនៅអគារ 435 & 437 លើ មហាវិថីកម្ពុជាក្រោម។
ក្នុងពិធីសម្ពោធជាផ្លូវការ លោក Nicolas Hollanders បានមានប្រសាសន៍ថា “យើងខ្ញុំមានសេចក្តីសោមនស្សរីករាយដែលបានចូលរួមក្នុងការបើកសម្ពោធសាខាជាលើកទីពីររបស់យើងខ្ញុំចាប់តាំងពីការចូលកាន់តំណែងក្នុងខែកញ្ញាមក។ ធនាគាររបស់យើងខ្ញុំមានការរីកចម្រើនយ៉ាងឆាប់រហ័ស ហើយយើងខ្ញុំជឿជាក់ថាសាខាថ្មីនេះនឹងក្លាយជាសាខាធនាគារដ៏សំខាន់មួយសម្រាប់សហគមន៍នៅលើ មហាវិថីកម្ពុជាក្រោម” ។
