ពិធីចុះហត្ថលេខាលើអនុស្សរណៈយោគយល់គ្នាលើការកៀរគរ និងទទួលវិភាគទានសប្បុរសធម៌ជូនមូលនិធិគន្ធបុប្ជាកម្ពុជាតាមរយៈធនាគារ ប្រេដ ដើម្បីគាំទ្រសុខាភិបាលរបស់កុមារកម្ពុជា។
រាជធានីភ្នំពេញ ថ្ងៃទី ២៨ សីហា ឆ្នាំ ២០២៥ ធនាគារ ប្រេដ ប៊ែង (ខេមបូឌា) ភីអិលស៊ី និង មូលនិធិគន្ធបុប្ជាកម្ពុជា បានចុះហត្ថលេខាលើអនុស្សរណៈយោគយល់គ្នាដើម្បីធ្វើការកៀរគរ និងទទួលវិភាគទានសប្បុរសធម៌ជូនមូលនិធិកាន់តែមានភាពងាយស្រួល និងមានសុវត្ថិភាព តាមរយៈបណ្តាញសាខារបស់ ធនាគារ ប្រេដ និងប្រព័ន្ធឌីជីថលផ្សេងៗ ដើម្បីបង្កើនការគាំទ្រ លើសុខភាពកុមារទូទាំងប្រទេស។
អង្គពិធីនេះមានការអញ្ជើញចូលរួមដោយ ឯកឧត្ដមបណ្ឌិត ចន ណារិទ្ធ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជានាយកប្រតិបត្តិនៃមូលនិធិគន្ធបុប្ផាកម្ពុជា។
អង្គពិធីនេះប្រព្រឹត្តទៅក្រោមការដឹកនាំរបស់លោក Nicolas Hollanders នាយកប្រតិបត្តិ នៃ ធនាគារ ប្រេដ ខេមបូឌា និងមានការចូលរួមពីសមាជិកគណៈកម្មការគ្រប់គ្រងរបស់ធនាគារ ប្រេដ ព្រមទាំងសភាពាណិជ្ជកម្ម និងឧស្សាហកម្មបារាំងដែលតំណាងដោយប្រធាន លោក Cyril Girot និងនាយកប្រតិបត្តិ លោក Charles Juilliard និងសភាពាណិជ្ជកម្មអឺរ៉ុបប្រចាំនៅកម្ពុជា ដែលតំណាងដោយប្រធាន លោក Gabriele Faja និងនាយកប្រតិបត្តិ លោក Martin Brisson។
កិច្ចសហការថ្មីជាមួយ មូលនិធិគន្ធបុប្ផាកម្ពុជា បញ្ជាក់ពីការប្តេជ្ញាចិត្តរបស់ធនាគារ ប្រេដ ចំពោះ បរិស្ថាន សង្គម និង អភិបាលកិច្ច ដោយគាំទ្រជំហររបស់សហគមន៍តាមរយៈការផ្តួចផ្តើមលើកិច្ចគាំពារសង្គម និងលើកកម្ពស់ការរួមបញ្ចូលគ្នាដ៏ល្អប្រសើរតាមរយៈការផ្ដល់ជម្រើសក្នុងការបរិច្ចាគដែលមានសុវត្ថិភាព និងងាយស្រួលក្នុងការប្រើប្រាស់។
ដើម្បីគាំទ្រកិច្ចសហការនេះ ធនាគារ ប្រេដ ធ្វើការកៀរគរ និងទទួលវិភាគទានសប្បុរសធម៌ តាមរយៈការទូទាត់តាម QR កូដ នៅគ្រប់សាខា និងតាមរយៈប្រព័ន្ធឌីជីថល និងបណ្តាញសង្គមរបស់ ធនាគារ ប្រេដ ព្រមទាំងបានបរិច្ចាគថវិកាផ្ទាល់ ដើម្បីគាំទ្រសុខភាពកុមារ ហើយនឹងធ្វើការបង្កើតប្រព័ន្ធដែលមានសុវត្ថិភាព និងភាពរហ័ស រវាងប្រទេសបារាំង និងប្រទេសកម្ពុជា ដើម្បីជួយមូលនិធិប្រមូលការបរិច្ចាគនៅប្រទេសបារាំង។
លោក Nicolas Hollanders នាយកប្រតិបត្តិ នៃធនាគារ ប្រេដ ខេមបូឌា បានមានប្រសាសន៍ថា “ធនាគារ ប្រេដ មានមោទកភាពក្នុងការគាំទ្រអង្គការដែលបានផ្ដល់សេវាសុខាភិបាលសម្រាប់កុមារច្រើនជាង ២២ លាននាក់ តាំងពីឆ្នាំ ១៩៩២ មក។ តាមរយៈការបរិច្ចាគតាម QR កូដ និងការអភិវឌ្ឍន៍ប្រព័ន្ធផ្ទេរប្រាក់រវាងប្រទេសបារាំង និងកម្ពុជា ដែលអនុញ្ញាតឲ្យមនុស្សជាច្រើនទៀតអាចចូលរួមគាំទ្រសកម្មភាពសប្បុរសធម៌នេះឲ្យបានកាន់តែងាយស្រួល។ យើងខ្ញុំគាំទ្រគំនិតផ្ដួចផ្ដើមជួយដល់សង្គមដែលមានភាពយូរអង្វែងរបស់សហគមន៍”។
ធនាគារ ប្រេដ និង មូលនិធិគន្ធបុប្ផាកម្ពុជា រំពឹងថានឹងជួយបង្កើនការចូលរួមរបស់សាធារណជន និងធ្វើឲ្យមានការផ្លាស់ប្តូរដែលមានអត្ថន័យ និងភាពយូរអង្វែង សម្រាប់កុមារទូទាំងប្រទេសកម្ពុជា។
របៀបបរិច្ចាគទៅកាន់មូលនិធិគន្ធបុប្ផាកម្ពុជា
– សូមចូលទៅកាន់ទំព័រហ្វេសបុករបស់ធនាគារ ប្រេដ ខេមបូឌា៖ Facebook
– សូមចូលមើលគេហទំព័ររបស់ធនាគារ ប្រេដ ខេមបូឌា៖ Home – BRED Bank Cambodia
– ស្វែងរកសាខាដែលជិតលោកអ្នកបំផុត៖ Branches and ATMs – BRED Bank Cambodia
– ឆានែល Telegram៖ https://t.me/bredbankcambodia
